GL 
ES 
No lugar dos Eidos, un amplo espazo a carón do Campo das Redes e situado fóra das murallas da vila, había un antigo hospital de pobres e de peregrinos. En 1833 este espazo reconverteuse nun cemiterio construído e pagado polo Concello de Redondela.
O cemiterio experimentou algunhas reformas co paso dos anos. Na década dos 80 do século XX foi pechado tras a creación cun cemiterio municipal lonxe do casco urbano. Pero o espazo mantívose intocable.
O cemiterio foi rehabilitado no ano 2020. O resultado permítenos observar esculturas, tumbas, mausoleos ou lápidas de gran valor artístico. Ademais, para a historia local, aquí atópanse os nomes de importantes figuras, dende políticos a militares. Hai que destacar o traballo dos mestres canteiros e os gustos da época burguesa, perceptibles nalgunhas esculturas e na simboloxía usada.
Este monumento, considerado como un “xardín romántico”, aspira a entrar na lista de “Cemiterios Singulares de Europa”. O Concello de Redondela organiza visitas guiadas polo camposanto. Consulta a axenda de eventos e reserva a túa visita!
